人気ブログランキング | 話題のタグを見る

翻学校罗成绩.   

今日翻学校罗成绩了!!
大概就本小姐我呢世人最后一次着住呢套校服了...
唔知道几时开始觉得着校服又轻松又自然的...虽然觉得有D捞,不过我地学校套校服真係几好睇的了!!
翻到学校,自然就见到隔离二班果班女人了...真无奈的,你地好无聊啊!!
着到鬼五马六翻去罗成绩定罗彩啊?D TASTE又LOW窝~
林住着得出众D最后一次翻来SHOW俾D人睇啊?
SORRY啊 我觉得你地果D打扮,由头到尾都係似只"啄地"多D咯!!
特别见到我地班D人行过果阵几条婆自编自导自演就大大声咁:"我个发係米夸张好多呢~" "我今日0甘着係米好靓呢" "我个发D颜色唔同咗喇~"
得啦得啦得啦,靓晒啦~今晚实好好生意噶啦!
都唔知道係米美术班D人特别激发你地D发 女交 因子的!!艺术家真悲哀的人生哟!![关事的嘛?! XD]
你地呢班女人实在令我好反感!!上落楼梯见到我都讲几次!!!正成班BITCH!~
不过~~~~都最后一次了!!自动过滤....
实在忍唔住就响自己个BLOG度讲几句 XDDDD

罗到成绩单后就交俾班主任过过目~我话我英文得咗个好怨念噶分数~
班主任过目之后好激动咁同三班(前英语特长班)的英文科代话我高分过距!!!搞到距鬼咁无面添~
哎哟哟~都话恶人自有恶报噶啦~天收噶!! XD
语文老师问我语文几分,我话俾距知之后距好惊讶~因为我之前都同距讲过话我作文走咗题...
仲话我考得好~"不枉我长得一身是肉".....然后班主任爆笑~我真係无奈啊 XDDDDD

最后一次啦大概係.....3年前我响呢度林"呢3年点挨呀"
呢3年其实真系都几痛苦!!有好多野都唔顺意的!特别就系个死训导主任胡XX同果个贪污唔眨眼噶方校!!当我地D学生屋企开金矿的!!我终于可以脱离你地魔掌了!!
今日就要SAY GOODBYE了....我估唔到呢度会有我值得留恋噶嘢,班主任,语文老师仲有冯校&耿姐,认识一班真正好同学---小丁同MAY仔距地,学画画噶日子,好器重我噶HD,一直都好玩得噶廖总&好有型噶陈教授,画室噶一点一滴~都係HAPPY TIME~
当然仲有学校周围好好味但超级唔卫生噶各种美食~
虽然呢3年遇到噶唔开心嘢都有好多,麻烦事,是非,各种我想逃避噶问题...各种重大选择,不过一切已经过去啦~
AND虽然我地而家做唔成朋友不过都曾经一齐好开心噶某D同学仔...THANK U VERY MUCH~


最后,我将我去旅行带反来噶手信交俾小MAY之后就怀住一种好微妙噶心情离开呢个折磨0左我3年青春噶地方
唔知道点解我硬觉得我9月好似会翻来呢度上课0甘 XDDDD[乱UP]

by fayesko | 2006-06-29 22:26

<< 去了找托利小亚玩 XD 高考成绩知道啦. >>